દિવાળીનો તહેવાર નજીક આવી રહ્યો છે અને દરેક ઘરમાં સાફ-સફાઈ પછી તૈયારીઓ શરુ થઈ ચુકી હશે મીઠાઈ અને ફરસાણ બનાવવાની. તો આ દિવાળી પર તમે પણ કંઈ અલગ અને ખાસ બનાવવા માંગો છો તો ચાલો તમને જણાવીએ સૌને ભાવે એવા અને ગુજરાતની ટ્રેડિશનલ કહેવાતી વાનગી ઘુઘરા બનાવવાની રીત. આ માપ સાથે તમે પણ એકદમ ટેસ્ટી ઘુઘરા બનાવી શકો છો.

ઘુઘરા બનાવવાની સામગ્રી

ઘી – 4 ચમચી
મોળો માવો – અડધો કપ
દૂધ – લોટ બાંધવા માટે
મેંદો – 1 કપ
ખાંડનો પાવડર – 3/4 કપ
રવો – 1 વાટકી
કાજૂ- 5થી 6
બદામની કતરણ – 4થી 5
કીસમીસ- 8થી 10 નંગ
કોપરાની છીણ – અડધો કપ
એલચી પાવડર – પા ચમચી

ઘુઘરા બનાવવાની રીત

1. સૌથી પહેલા મોળા માવાને ધીમા તાપે બદામી રંગનો થાય ત્યાં સુધી શેકી એક પ્લેટમાં કાઢી લો.
2. એક પેનમાં 4 ચમચી ઘી ઉમેરો અને તેમાં રવો ઉમેરી તેને પણ બદામી રંગનો થાય ત્યાં સુધી શેકો.
3. રવો શેકાઈ જાય પછી તેમાં કોપરાનું છીણ ઉમેરો. તેને બરાબર મિક્સ કરો.
4. હવે આ મિશ્રણમાં એલચી પાવડર, કાજુ, બદામ, દ્રાક્ષ ઉમેરો અને 5 મિનિટ તેને શેકી ગેસ બંધ કરી મિશ્રણને ઠંડુ થવા દો.
5. એક વાસણમાં મેંદો લેવો અને તેમાં મોણ માટે 2 ચમચી ઘી ઉમેરો અને દૂધથી લોટ બાંધો. લોટને 5 મિનિટ માટે ઢાંકીને રેસ્ટ આપો.
6. હવે રવાના પૂરણમાં શેકેલો માવો અને ખાંડનો પાવડર ઉમેરી મિશ્રણને બરાબર મિક્સ કરી લો.
7. હવે તૈયાર કરેલા લોટમાંથી નાની નાની પુરી વણી લેવી. અને આ પુરીમાં એક એક ચમચી પુરણ ભરવું.
8. પુરણ ભર્યા પછી સાઈડમાંથી ફોલ્ડ કરી ચપટી વડે ઘુઘરાને સીલ કરી દો.
9. તૈયાર કરેલા ઘુઘરાને ગરમ ઘીમાં ગોલ્ડન બ્રાઉન થાય ત્યાં સુધી તળો.

ઘુઘરા બનાવવાના સ્ટેપ્સ

સૌથી પહેલા મોળા માવાને ધીમા તાપે બદામી રંગનો થાય ત્યાં સુધી શેકી એક પ્લેટમાં કાઢી લો.

એક પેનમાં 4 ચમચી ઘી ઉમેરો અને તેમાં રવો ઉમેરી તેને પણ બદામી રંગનો થાય ત્યાં સુધી શેકો.

રવો શેકાઈ જાય પછી તેમાં કોપરાનું છીણ ઉમેરો. તેને બરાબર મિક્સ કરો.

હવે આ મિશ્રણમાં એલચી પાવડર, કાજુ, બદામ, દ્રાક્ષ ઉમેરો અને 5 મિનિટ તેને શેકી ગેસ બંધ કરી મિશ્રણને ઠંડુ થવા દો.

એક વાસણમાં મેંદો લેવો અને તેમાં મોણ માટે 2 ચમચી ઘી ઉમેરો અને દૂધથી લોટ બાંધો. લોટને 5 મિનિટ માટે ઢાંકીને રેસ્ટ આપો.

હવે રવાના પૂરણમાં શેકેલો માવો અને ખાંડનો પાવડર ઉમેરી મિશ્રણને બરાબર મિક્સ કરી લો.

હવે તૈયાર કરેલા લોટમાંથી નાની નાની પુરી વણી લેવી. અને આ પુરીમાં એક એક ચમચી પુરણ ભરવું.

પુરણ ભર્યા પછી સાઈડમાંથી ફોલ્ડ કરી ચપટી વડે ઘુઘરાને સીલ કરી દો.

તૈયાર કરેલા ઘુઘરાને ગરમ ઘીમાં ગોલ્ડન બ્રાઉન થાય ત્યાં સુધી તળો.

ઘુઘરા બનાવવાનો વીડિયો

મોહનથાળ એ પરંપરાગત ભારતીય મીઠાઈ છે જે તહેવાર દરમિયાન મોટાભાગના ગુજરાતીઓના ઘરોમાં બને છે. પરંતુ ઘણી ગૃહિણીઓની ફરિયાદ હોય છે કે ઘરે મોહનથાળ એકદમ સોફ્ટ બનતો નથી. તો ચાલો આજે તમારી આ ફરિયાદ દુર કરી દઈએ અને જણાવીએ પરફેક્ટ માપ સાથેની સોફ્ટ મોહનથાળ બનાવવાની રીત.

મોહનથાળ બનાવવા માટેની સામગ્રી

બેસન – 2 કપ
ખાંડ – સવા કપ
ઘી – 1 કપ
દૂધ – 1 કપ
કેસર – 10 થી 12 તાંતણા
એલચીનો પાવડર – જરૂર અનુસાર
બદામની કતરણ – ડેકોરેટ કરવા માટે

મોહનથાળ બનાવવાની રીત
1. એક મોટા બાઉલમાં ચણાનો લોટ લઈ તેમાં 3 ચમચી ઘી અને 6 ચમચી દૂધ ઉમેરો
2. બેસનને હળવા હાથે મિક્સ કરી બાઉલમાં હથેળીની મદદથી દબાવી લો. અને 15 મિનિટ માટે ઢાંકીને રાખો.
3. 15 મિનિટ પછી લોટને બરાબર ચાળી લો. આમ કરવાથી દાણાદાર લોટ તૈયાર થશે.
4. એક પેનમાં 1 કપ ઘી ગરમ કરી તેમાં તૈયાર કરેલો લોટ ઉમેરી ધીમા તાપે શેકી લો.
5. બીજા એક વાસણમાં ખાંડ અને પાણી મિક્સ કરી ચાસણી ઉકાળવા મુકો.
6. ખાંડ ઓગળે એટલે તેમાં કેસરના તાંતણા ઉમેરો અને દોઢ તારની ચાસણી તૈયાર કરો.
7. લોટ શેકાઈ જાય અને તેનો રંગ બદલી જાય એટલે તેમાં તૈયાર કરેલી ચાસણી ધીરેધીરે ઉમેરી બરાબર મિક્સ કરો.
8. ત્યારબાદ તેમાં એલચી પાવડર અને 1 ચમચી દૂધ ઉમેરો.
9. તૈયાર કરેલા મિશ્રણને મોહનથાળના મોલ્ડમાં ભરી તેને બદામની કતરણથી ગાર્નિસ કરો.
10. મોહનથાળ ઠંડો થાય પછી તેને અનમોલ્ડ કરી મનપસંદ આકારમાં કટ કરી સર્વ કરો.

મોહનથાળ બનાવવાના સ્ટેપ્સ

એક મોટા બાઉલમાં ચણાનો લોટ લઈ તેમાં 3 ચમચી ઘી અને 6 ચમચી દૂધ ઉમેરો

બેસનને હળવા હાથે મિક્સ કરી બાઉલમાં હથેળીની મદદથી દબાવી લો. અને 15 મિનિટ માટે ઢાંકીને રાખો.

15 મિનિટ પછી લોટને બરાબર ચાળી લો. આમ કરવાથી દાણાદાર લોટ તૈયાર થશે.

એક પેનમાં 1 કપ ઘી ગરમ કરી તેમાં તૈયાર કરેલો લોટ ઉમેરી ધીમા તાપે શેકી લો.

બીજા એક વાસણમાં ખાંડ અને પાણી મિક્સ કરી ચાસણી ઉકાળવા મુકો.

ખાંડ ઓગળે એટલે તેમાં કેસરના તાંતણા ઉમેરો અને દોઢ તારની ચાસણી તૈયાર કરો.

લોટ શેકાઈ જાય અને તેનો રંગ બદલી જાય એટલે તેમાં તૈયાર કરેલી ચાસણી ધીરેધીરે ઉમેરી બરાબર મિક્સ કરો.

ત્યારબાદ તેમાં એલચી પાવડર અને 1 ચમચી દૂધ ઉમેરો.

તૈયાર કરેલા મિશ્રણને મોહનથાળના મોલ્ડમાં ભરી તેને બદામની કતરણથી ગાર્નિસ કરો.

મોહનથાળ ઠંડો થાય પછી તેને અનમોલ્ડ કરી મનપસંદ આકારમાં કટ કરી સર્વ કરો.

મોહનથાળ બનાવવાનો વીડિયો