ઘરે જ્યારે પણ પંજાબી સબજી બને ત્યારે એક સામાન્ય ફરિયાદ હોય છે કે સબજીનો ટેસ્ટ બહાર જેવો મસ્ત થતો નથી. ઘરે બનતી સબજી ટેસ્ટી હોય છે પરંતુ એકદમ બહાર જેવી ચટાકેદાર બનતી નથી. તેનું કારણ હોય છે મસાલો. પંજાબી સબજીના સ્વાદને ચાર ચાંદ લગાડે છે તેનો મસાલો. તો જો તમારે પણ ઘરે મસ્ત ચટાકેદાર પંજાબી સબજી બનાવવી હોય તો સૌથી પહેલા તેના માટેનો ડ્રાય મસાલો આ રીતે બનાવી સ્ટોર કરી લો.

પંજાબી શાકનો મસાલો બનાવવાની સામગ્રી

સિંગદાણા – 100 ગ્રામ
તલ – 20 ગ્રામ
સેવ – અડધી વાટકી
લીલા મરચાં – 2 નંગ
આદુ – 1 ટુકડો
તજ – 2 મોટા ટુકડા
લવિંગ – 5
લસણ – 2 કળી
મીઠું – સ્વાદ અનુસાર
લાલ મરચું પાવડર – 1 મોટી ચમચી
હળદર – અડધી ચમચી

પંજાબી શાકનો મસાલો બનાવવાની રીત

1. એક મિક્સર જારમાં સિંગદાણા, તલ ઉમેરો.
2. હવે તેમાં લીલા મરચાં, આદુ, લસણ, તજ અને લવિંગ ઉમેરો.
3. ત્યારબાદ તેમાં મોળી સેવ, લાલ મરચું પાવડર, હળદર અને સ્વાદ પ્રમાણે મીઠું ઉમેરો.
4. બધી જ સામગ્રીને મિક્સરમાં બરાબર વાટી લો.
5. તૈયાર કરેલા મસાલાને તમે ફ્રીજમાં લાંબા સમય સુધી સ્ટોર પણ કરી શકો છો.
6. આ મસાલો દરેક પંજાબી સબજીમાં ઉપયોગમાં લઈ શકાય છે.

પંજાબી શાકનો મસાલો બનાવવાના સ્ટેપ્સ

એક મિક્સર જારમાં સિંગદાણા, તલ ઉમેરો.

હવે તેમાં લીલા મરચાં, આદુ, લસણ, તજ અને લવિંગ ઉમેરો.

ત્યારબાદ તેમાં મોળી સેવ, લાલ મરચું પાવડર, હળદર અને સ્વાદ પ્રમાણે મીઠું ઉમેરો.

બધી જ સામગ્રીને મિક્સરમાં બરાબર વાટી લો.

તૈયાર કરેલા મસાલાને તમે ફ્રીજમાં લાંબા સમય સુધી સ્ટોર પણ કરી શકો છો.

આ મસાલો દરેક પંજાબી સબજીમાં ઉપયોગમાં લઈ શકાય છે.

પંજાબી શાકનો મસાલો બનાવવાનો વીડિયો

મોટાભાગના લોકોની ફરિયાદ હોય છે તે ઘરે પંજાબી શાક બનાવીએ તો બહાર જેવો ટેસ્ટ આવતો નથી. આ ટેસ્ટ ન આવવાનું કારણ હોય છે તેનો મસાલો. કોઈપણ પંજાબી શાક હોય તેનો સ્વાદ તેના મસાલાના કારણે વધે છે. તો આજે તમને બધા જ પ્રકારની પંજાબી શાકમાં ઉપયોગમાં આવે તો પંજાબી મસાલો બનાવતા શીખવાડીએ. આ મસાલો તમે બનાવી સ્ટોર પણ કરી શકો છો.

મસાલો બનાવવાની સામગ્રી

સીંગદાણા – 100 ગ્રામ
તલ – 20 ગ્રામ
આદુ – 1 ઈંચનો ટુકડો
લીલા મરચાં – 2
લસણ – 2 કળી
તજ – 2 મોટા ટુકડા
લવિંગ – 5
મોળી સેવ – અડધી વાટકી (મોળી સેવ ન હોય તો ચણાના લોટને તેલમાં શેકી ઉપયોગમાં લેવો)
મરચું પાવડર – 1 મોટી ચમચી
હળદર – અડધી ચમચી
મીઠું – સ્વાદ અનુસાર

મસાલો બનાવવાની રીત

1. એક મિક્સર જારમાં સીંગદાણા અને તેલ લેવા.
2. તેમાં મરચાં, આદુનો ટુકડો અને લસણ ઉમેરો.
3. તેમાં તજ, લવિંગ અને મોળી સેવ ઉમેરો.
4. તેમાં મરચું પાવડર, હળદર, સ્વાદ અનુસાર મીઠું ઉમેરો.
5. બધી સામગ્રીને બરાબર ચર્ન કરો અને બારીક પીસી લો.
6. આ મસાલાને ફ્રીજમાં સ્ટોર કરી શકાય છે. શાકમાં તેનો જરૂર અનુસાર ઉપયોગ કરો.

મસાલો બનાવવાના સ્ટેપ્સ

એક મિક્સર જારમાં સીંગદાણા અને તેલ લેવા.

તેમાં મરચાં, આદુનો ટુકડો અને લસણ ઉમેરો.

તેમાં તજ, લવિંગ અને મોળી સેવ ઉમેરો.

તેમાં મરચું પાવડર, હળદર, સ્વાદ અનુસાર મીઠું ઉમેરો.

બધી સામગ્રીને બરાબર ચર્ન કરો અને બારીક પીસી લો.

આ મસાલાને ફ્રીજમાં સ્ટોર કરી શકાય છે. શાકમાં તેનો જરૂર અનુસાર ઉપયોગ કરો.

મસાલો બનાવવાનો વીડિયો

સાઉથ ઈંડિયન ફુડ નાના-મોટા સૌ કોઈને ભાવે છે. તમે ઘરે ઢોસા, ઈડલી, મેંદુવડા, અપમ જેવી વાનગી બનાવતા હશો આ બધી જ વાનગી સાથે સાંભાર પીરસવામાં આવે છે. ઘરે સાંભાર તો બને છે પરંતુ તેમાં પડતો મસાલો રેડી મેડ હોય છે. મોટાભાગે ગૃહિણીઓ બહારથી તૈયાર મસાલો લઈ તેનો ઉપયોગ કરે છે. પરંતુ હવે તમારે આવું નહીં કરવું પડે. કારણ કે આજે તમને જણાવીએ કે ઘરે સાંભાર મસાલો કેવી રીતે બનાવવો. આ મસાલો તમે ફટાફટ બનાવી શકો છો અને તેને બનાવી સ્ટોર પણ કરી શકો છો.

સાંભાર મસાલો બનાવવાની સામગ્રી

તમાલ પત્ર – 1
આખું લાલ મરચું – 1
મેથીના દાણા – અડધી ચમચી
આખા ધાણા – 2 ચમચી
જીરું – દોઢ ચમચી
તજ – એક ટુકડો
લવિંગ – 4 નંગ
મરી – 7થી 8 દાણા
એલચો – 1
ચણાની દાળ – 2 ચમચી
અડદની દાળ – 2 ચમચી
તેલ

સાંભાર મસાલો બનાવવાની રીત

1. પા ચમચી તેલ લેવું અને તેમાં તમાલપત્ર અને મરચું ઉમેરવું.
2, ત્યારબાદ તેમાં લવિંગ, તજ, એલચો, મરી, અડદની દાળ, સુકા ધાણા, જીરું, ચણાની દાળ ઉમેરવી
3. મસાલાને ધીમા તાપે ત્યાં સુધી શેકવા જ્યાં સુધી તેમાંથી સુગંધ આવવા લાગે.
4. મસાલો શેકાય જાય એટલે તેને બાઉલમાં કાઢી લેવો અને 10 મિનિટ ઠંડુ થવા દેવું.
5. મસાલાને મિક્સર જારમાં લઈ ક્રશ કરી લેવો.
6. ક્રશ કરેલો મસાલો ઉપયોગમાં લેવા માટે તૈયાર છે.

સાંભાર મસાલો બનાવવાના સ્ટેપ્સ

પા ચમચી તેલ લેવું અને તેમાં તમાલપત્ર અને મરચું ઉમેરવું.

ત્યારબાદ તેમાં લવિંગ, તજ, એલચો, મરી, અડદની દાળ, સુકા ધાણા, જીરું, ચણાની દાળ ઉમેરવી

મસાલાને ધીમા તાપે ત્યાં સુધી શેકવા જ્યાં સુધી તેમાંથી સુગંધ આવવા લાગે.

મસાલો શેકાય જાય એટલે તેને બાઉલમાં કાઢી લેવો અને 10 મિનિટ ઠંડુ થવા દેવું.

મસાલાને મિક્સર જારમાં લઈ ક્રશ કરી લેવો.

ક્રશ કરેલો મસાલો ઉપયોગમાં લેવા માટે તૈયાર છે.

સાંભાર મસાલો બનાવવાનો વીડિયો