એકદમ રૂ જેવા પોચા શેકેલી મેથીની ભાજીના થેપલા બનાવવાની રીત

ગુજરાતી વ્યક્તિ ક્યાંય પણ જાય તેની સાથે થેપલા તો હોય જ… થેપલા ગુજરાતીઓના પર્યાય બની ગયા છે. થેપલા ખાવામાં સ્વાદિષ્ટ હોય છે અને તેને 2, 3 દિવસ સુધી ખાઈ શકાય છે તેથી વિદેશ જતા ગુજરાતીઓ પણ થેપલા બનાવી સાથે લઈ જાય છે. જો કે રુ જેવા પોચાં થેપલા બનાવવા પણ એક કળા છે. જો થેપલા સારી રીતે બન્યા હોય તો તેને ઠંડા ખાવાની પણ મજા આવે છે. તો ચાલો આજે તમને જણાવીએ રુ જેવા પોચા થેપલા બનાવવાની પરફેક્ટ રીત

મેથીના થેપલા બનાવવાની સામગ્રી

ઘઉંનો લોટ – જરૂર અનુસાર
મેથીની ભાજી – 1 કપ
દહીં – 3 ચમચી
લીલા મરચાં અને લસણની પેસ્ટ – 2 ચમચી
તલ – 2 ચમચી
જીરું – 1 ચમચી
મીઠું – સ્વાદ અનુસાર
તેલ – 3 ચમચી
લાલ મરચું પાવડર – દોઢ ચમચી
હળદર – અડધી ચમચી

મેથીની ભાજીના થેપલા બનાવવાની રીત

1. એક પેનમાં 3 ચમચી તેલ ઉમેરી તેમાં જીરું અને તલ ઉમેરી સાંતળો. ત્યારબાદ તેમાં લસણ અને મરચાંની પેસ્ટ ઉમેરો.
2. લસણ બરાબર સંતળાઈ જાય પછી તેમાં 1 કપ મેથીની ભાજીના પાન ઉમેરી તેમાં હળદર ઉમેરી ગેસ બંધ કરી દો અને મિશ્રણને ઠંડું થવા દો.
3. મેથીની ભાજી ઠંડી થાય એટલે તેને એક વાસણમાં કાઢી તેમાં દહીં, લાલ મરચું પાવડર અને સ્વાદ પ્રમાણે મીઠું ઉમેરો અને બધી સામગ્રીને મિક્સ કરો.
4. હવે મેથીની ભાજીના મિશ્રણમાં જરૂર જણાય એટલો લોટ ઉમેરતાં જવું અને કણક તૈયાર કરવી. આ લોટમાં પાણીનો ઉપયોગ ન કરવો.
5. લોટને 10 માટે રેસ્ટ આપો અને પછી લોટને સારી રીતે કેળવી લેવો અને પછી તેમાંથી લુઆ કરી થેપલા વણી લો.
6. થેપલાને ગરમ તવા પર બંને બાજુ કાચા-પાક શેકી લેવા. ત્યારબાદ તેના પર તેલ લગાવી બંને બાજુ શેકી લેવા.
7. થેપલાને બંને તરફ શેક્યા બાદ ગરમા ગરમ સર્વ કરો.

મેથીની ભાજીના થેપલા બનાવવાના સ્ટેપ્સ

એક પેનમાં 3 ચમચી તેલ ઉમેરી તેમાં જીરું અને તલ ઉમેરી સાંતળો. ત્યારબાદ તેમાં લસણ અને મરચાંની પેસ્ટ ઉમેરો.

લસણ બરાબર સંતળાઈ જાય પછી તેમાં 1 કપ મેથીની ભાજીના પાન ઉમેરી તેમાં હળદર ઉમેરી ગેસ બંધ કરી દો અને મિશ્રણને ઠંડું થવા દો.

મેથીની ભાજી ઠંડી થાય એટલે તેને એક વાસણમાં કાઢી તેમાં દહીં, લાલ મરચું પાવડર અને સ્વાદ પ્રમાણે મીઠું ઉમેરો અને બધી સામગ્રીને મિક્સ કરો.

હવે મેથીની ભાજીના મિશ્રણમાં જરૂર જણાય એટલો લોટ ઉમેરતાં જવું અને કણક તૈયાર કરવી. આ લોટમાં પાણીનો ઉપયોગ ન કરવો.

લોટને 10 માટે રેસ્ટ આપો અને પછી લોટને સારી રીતે કેળવી લેવો અને પછી તેમાંથી લુઆ કરી થેપલા વણી લો.

થેપલાને ગરમ તવા પર બંને બાજુ કાચા-પાક શેકી લેવા. ત્યારબાદ તેના પર તેલ લગાવી બંને બાજુ શેકી લેવા.

થેપલાને બંને તરફ શેક્યા બાદ ગરમા ગરમ સર્વ કરો.

મેથીની ભાજીના થેપલા બનાવવાનો વીડિયો