ચા સાથે નાસ્તામાં ટેસ્ટી અને ક્રિસ્પી પુરી નાના-મોટા સૌ કોઈને ભાવતી હોય છે. ફરસી પુરી બાળકોને સ્કુલના નાસ્તામાં પણ આપી શકાય છે અને બાળકો હોંશે હોંશે ખાઈ પણ લેતા હોય છે. પરંતુ આ પુરી મેંદાના લોટની બનેલી હોય તો પછી તેને નિયમિત રીતે ખાવી સ્વાસ્થ્ય માટે હાનિકારક સાબિત થઈ શકે છે. પરંતુ જો તમે ફરસી પુરીમાં મેંદાના બદલે ઘઉંના લોટનો ઉપયોગ કરો છો તો સ્વાસ્થ્ય અને સ્વાદ બંનેની ચિંતા દુર થઈ શકે છે. હવે જો તમને એ પ્રશ્ન હોય કે ઘઉંના લોટમાંથી પુરી બનાવવી કેમ તો તે પણ જણાવીએ દઈએ આજે.

ઘઉંના લોટની ફરસી પુરી માટેની સામગ્રી

ઘઉંનો લોટ – દોઢ વાટકી
જીરું પાવડર – દોઢ ચમચી
મરી પાવડર – 1 ચમચી
મીઠું – સ્વાદ અનુસાર
ઘી – દોઢ ચમચી
હળદર – અડધી ચમચી
તેલ – પુરી તળવા માટે
પાણી – જરૂર મુજબ

ઘઉંના લોટની ફરસી પુરી બનાવવાની રીત

1. સૌથી પહેલા એક મોટા બાઉલમાં ઘઉંનો લોટ લઈ તેમાં મરી પાવડર, જીરું પાવડર, હળદર અને મીઠું ઉમેરી બરાબર મીક્સ કરી લો.
2. ત્યારબાદ લોટ અને મસાલાના મિશ્રણમાં દોઢ ચમચી ઘી ઉમેરી લોટને બરાબર મિક્સ કરો. ત્યારબાદ થોડુ થોડુ પાણી ઉમેરતા જવું અને કડક કણક બાંધવી.
3. લોટમાં થોડું ઘી ઉમેરી બરાબર મસળી અને 5 મિનિટ રેસ્ટ આપો.
4. તૈયાર કરેલા લોટમાંથી નાનો લુઓ લઈ પુરી વણવી. તેના પર ઘી લગાવી થોડો લોટ છાંટી અને પુરીને ફોલ્ડ કરવી. ત્યારબાદ ફરીથી ઘી અને લોટ લગાવીને પુરીને ત્રિકોણ શેપમાં વણી લેવી.
5. આ રીતે બધી જ પુરી તૈયાર કરી તેમાં કાંટા ચમચી વળી કાણા પાડી દેવા જેથી પુરી અંદરથી કાચી ન રહે.
6. પેનમાં તેલ ગરમ થાય ત્યારબાદ ગરમ તેલમાં ધીમા તાપે પુરી ક્રિસ્પી થાય ત્યાં સુધી તળવી.
7. તૈયાર કરેલી ફરસી પુરી ઠંડી થાય ત્યારબાદ એરટાઈટ કંટેનરમાં સ્ટોર કરવી.

ઘઉંના લોટની ફરસી પુરી બનાવવાના સ્ટેપ્સ

સૌથી પહેલા એક મોટા બાઉલમાં ઘઉંનો લોટ લઈ તેમાં મરી પાવડર, જીરું પાવડર, હળદર અને મીઠું ઉમેરી બરાબર મીક્સ કરી લો.

ત્યારબાદ લોટ અને મસાલાના મિશ્રણમાં દોઢ ચમચી ઘી ઉમેરી લોટને બરાબર મિક્સ કરો. ત્યારબાદ થોડુ થોડુ પાણી ઉમેરતા જવું અને કડક કણક બાંધવી.

લોટમાં થોડું ઘી ઉમેરી બરાબર મસળી અને 5 મિનિટ રેસ્ટ આપો.

તૈયાર કરેલા લોટમાંથી નાનો લુઓ લઈ પુરી વણવી. તેના પર ઘી લગાવી થોડો લોટ છાંટી અને પુરીને ફોલ્ડ કરવી. ત્યારબાદ ફરીથી ઘી અને લોટ લગાવીને પુરીને ત્રિકોણ શેપમાં વણી લેવી.

આ રીતે બધી જ પુરી તૈયાર કરી તેમાં કાંટા ચમચી વળી કાણા પાડી દેવા જેથી પુરી અંદરથી કાચી ન રહે.

પેનમાં તેલ ગરમ થાય ત્યારબાદ ગરમ તેલમાં ધીમા તાપે પુરી ક્રિસ્પી થાય ત્યાં સુધી તળવી.

તૈયાર કરેલી ફરસી પુરી ઠંડી થાય ત્યારબાદ એરટાઈટ કંટેનરમાં સ્ટોર કરવી.

ઘઉંના લોટની ફરસી પુરી બનાવવાનો વીડિયો

દરેક ગુજરાતીના ઘરમાં અઠવાડિયામાં એકવાર તો ઢોકળા ખવાતા જ હશે. ઢોકળા એવી વાનગી છે જે નાના-મોટા સૌ કોઈને ભાવે. જો તમે પણ ઢોકળા ખાવાના શોખીન છો અને ખાસ તો તમને બજારમાં મળતા સેન્ડવીચ ઢોકળા ખૂબ જ ભાવે છે તો હવેથી તમારું એક ટેન્શન દુર થઈ જશે. તમારે દર વખતે સેન્ડવીચ ઢોકળા બજારમાંથી લાવવા નહીં પડે. આજે તમને ઘરે જ ફરસાણની દુકાને મળતા હોય તેવા જ ઢોકળા કેવી રીતે બનાવવા તેની રીત જણાવીએ.

સેન્ડવીચ ઢોકળા બનાવવાની સામગ્રી

ઈડલીનું ખીરું – 1 કિલો
ઈનો – 1 ચમચી
ગ્રીન ચટણી – જરૂર અનુસાર
કોપરાનું છીણ – 3 ચમચી
કોથમીર – 4 ચમચી
લીમડો – 5 થી 6 પાન
લીલા મરચાં – 3
તલ – 1 ચમચી
તેલ – જરૂર અનુસાર
રાઈ – 1 ચમચી
જીરું – 1 ચમચી
મીઠું – સ્વાદ અનુસાર

ગ્રીન ચટણી બનાવવાની રીત

ફુદીનો, કોથમીર, લસણ, લીલા મરચાં, આદુનો ટુકડો, ખાંડ, મીઠું, લીંબુનો રસ અને થોડા દાળીયા લેવા. આ બધી જ વસ્તુને મિક્સરમાં બરાબર વાટી અને જાડી ચટણી તૈયાર કરવી.

સેન્ડવીચ ઢોકળા બનાવવાની રીત

1. સૌથી પહેલા ગેસ પર ઢોકળીયું ગરમ કરવા મુકી દેવું. ત્યારબાદ ઈડલીના ખીરામાં 3થી 4 ચમચી તેલ ઉમેરી મિક્સ કરવું.
2. ત્યારબાદ તેમાં સ્વાદ પ્રમાણે મીઠું અને 1 ચમચી ઈનો પાવડર ઉમેરી બરાબર મિક્સ કરો.
3. ઢોકળીયાની થાળીને તેલથી ગ્રીસ કરી તેમાં ખીરું પાથરી અને 5 મિનિટ તેને ઢાંકીને બફાવા દો.
4. 5 મિનિટ પછી ઢોકળા ઉપર ગ્રીન ચટણી સ્પ્રેડ કરવી.
5. ચટણીની ઉપર ફરીથી ઢોકળાનું ખીરું બરાબર રીતે સ્પ્રેડ કરી દેવું. અને ઢોકળાને 10થી 15 મિનિટ માટે ઢાંકીને સ્ટીમ થવા દો.
6. ઢોકળા થઈ જાય એટલે તેને બહાર કાઢી ઠંડા થવા દેવા અને પછી તેને મનપસંદ આકારમાં કટ કરી લેવા.
7. ઢોકળાના વઘાર માટે એક પેનમાં 5 ચમચી તેલ ગરમ કરી તેમાં રાઈ, તલ, લીમડો, લીલા મરચાં એડ કરી તેને ઢોકળા પર સ્પ્રેડ કરો.
8. ત્યારબાદ કોથમીર અને કોપરાનું છીણ ઉપર એડ કરી ગરમાગરમ સર્વ કરો.

સેન્ડવીચ ઢોકળા બનાવવાના સ્ટેપ્સ

સૌથી પહેલા ગેસ પર ઢોકળીયું ગરમ કરવા મુકી દેવું. ત્યારબાદ ઈડલીના ખીરામાં 3થી 4 ચમચી તેલ ઉમેરી મિક્સ કરવું.

ત્યારબાદ તેમાં સ્વાદ પ્રમાણે મીઠું અને 1 ચમચી ઈનો પાવડર ઉમેરી બરાબર મિક્સ કરો.

ઢોકળીયાની થાળીને તેલથી ગ્રીસ કરી તેમાં ખીરું પાથરી અને 5 મિનિટ તેને ઢાંકીને બફાવા દો.

5 મિનિટ પછી ઢોકળા ઉપર ગ્રીન ચટણી સ્પ્રેડ કરવી.

ચટણીની ઉપર ફરીથી ઢોકળાનું ખીરું બરાબર રીતે સ્પ્રેડ કરી દેવું. અને ઢોકળાને 10થી 15 મિનિટ માટે ઢાંકીને સ્ટીમ થવા દો.

ઢોકળા થઈ જાય એટલે તેને બહાર કાઢી ઠંડા થવા દેવા અને પછી તેને મનપસંદ આકારમાં કટ કરી લેવા.

ઢોકળાના વઘાર માટે એક પેનમાં 5 ચમચી તેલ ગરમ કરી તેમાં રાઈ, તલ, લીમડો, લીલા મરચાં એડ કરી તેને ઢોકળા પર સ્પ્રેડ કરો.

ત્યારબાદ કોથમીર અને કોપરાનું છીણ ઉપર એડ કરી ગરમાગરમ સર્વ કરો.

સેન્ડવીચ ઢોકળા બનાવવાનો વીડિયો

દરેક ઘરમાં ગરમાગરમ ચા સાથે નાસ્તો પીરસાતો હોય છે. તેમાં પણ જો નાસ્તામાં મસ્ત ક્રીસ્પી અને ટેસ્ટી ચકરી મળી જાય તો વાત જ શું કરવી. ચકરી એવો નાસ્તો છે જે નાના મોટા સૌ કોઈને ભાવે છે. ચકરી બને એટલે થોડા જ દિવસોમાં ડબ્બો ખાલી પણ થઈ જાય. ત્યારે આજે તમને લોટ બાફ્યા વિના ચોખાના લોટની ટેસ્ટી ચકરી કેવી રીતે બનાવવી તે જણાવીએ. જેથી તમે ફટાફટ ચકરી તૈયાર કરી શકો છો.

ચોખાના લોટની ચકરી માટે સામગ્રી

ચોખાનો લોટ – 125 ગ્રામ
દહીં – અડધી વાટકી
મલાઈ – અડધી વાટકી
શેકેલા તલ – 1 ચમચી
મીઠું – સ્વાદ અનુસાર
મરચું પાવડર – અડધી ચમચી
હળદર પાવડર – અડધી ચમચી
તેલ – તળવા માટે

ચોખાના લોટની ચકરી બનાવવાની રીત

1. સૌથી પહેલા એક મોટા બાઉલમાં ચોખાનો લોટ લેવો.
2. ચકરીના લોટમાં દહીં અને મલાઈ ઉમેરવા.
3. ત્યારબાદ તેમાં તલ, હળદર, મરચું પાવડર અને મીઠું ઉમેરો.
4. બધી સામગ્રીને બરાબર મીક્સ કરો. જો જરૂર જણાય તો પાણી ઉમેરી કણક બાંધો.
5. ચકરીના સંચાને તેલથી ગ્રીસ કરી તેમાં ચકરીનો લોટ ભરો.
6. સૌથી પહેલા બધી ચકરી પાટલી પર બરાબર શેપમાં પાડી લેવી.
7. તેલ ગરમ થાય એટલે તાવેથાની મદદથી ચકરી તેલમાં મુકવી. ( ચકરી મુકો ત્યારે ગેસ ફાસ્ટ રાખવો. ચકરી મુકો પછી ધીમા ગેસે તળવી)
8. ચકરી બરાબર તળાઈ જાય પછી તેને તેલમાંથી કાઢી સર્વ કરો.

ચોખાના લોટની ચકરી બનાવવાના સ્ટેપ્સ

સૌથી પહેલા એક મોટા બાઉલમાં ચોખાનો લોટ લેવો.

ચકરીના લોટમાં દહીં અને મલાઈ ઉમેરવા.

ત્યારબાદ તેમાં તલ, હળદર, મરચું પાવડર અને મીઠું ઉમેરો.

બધી સામગ્રીને બરાબર મીક્સ કરો. જો જરૂર જણાય તો પાણી ઉમેરી કણક બાંધો.

ચકરીના સંચાને તેલથી ગ્રીસ કરી તેમાં ચકરીનો લોટ ભરો.

સૌથી પહેલા બધી ચકરી પાટલી પર બરાબર શેપમાં પાડી લેવી.

તેલ ગરમ થાય એટલે તાવેથાની મદદથી ચકરી તેલમાં મુકવી. ( ચકરી મુકો ત્યારે ગેસ ફાસ્ટ રાખવો. ચકરી મુકો પછી ધીમા ગેસે તળવી)

ચકરી બરાબર તળાઈ જાય પછી તેને તેલમાંથી કાઢી સર્વ કરો.

ચોખાના લોટની ચકરી બનાવવાનો વીડિયો